عواد باع أرضه يا ولاد

عواد باع أرضة يا ولاد .... شوفوا "طووووله " وعرضة ياولاد

دة كان نشيد بيتقال علي عواد لما باع حتة من أرضة ((الي هي عرضه وشرفة )) وكمان المكان الي إتربي فية

دة كان بيتقال علي واحد باع حتة من أرضة لناس عاديين مش لناس أعداءه و أعداء أهل بلدة

و مبعش أرضة في مزاد علني و كمان مبعش حاجات تانية كتير زي البنوك مثلا !

و كمان مأصدش يبوظ البنوك علشان يقول أهي بيظة نبيعها أحسن لل.... حبايبنا دلوقتي

و أهم حاجة عملها عواد إنه مبعش أهله و شعبة الي بحبهم صحيح إن أهلة ناس عاملين زي السوائل ...... إزاي

هقلك لما تحط مية في كبايه مدورة بتاخد شكل الكباية المدورة , ولما تحط نفس المية بس في "حلة " يعني إناء هتاخد شكله

مثلا : ناس مبيعترضوش علي حاجة ممكن تلفقلهم تهم و تعتقلهم ولاااا حد يعترض و ممكن تلوثلهم المية الي بيشربوها ولا حد بيتكلم , عادي أوي

و كمان عواد مبعش حاجات كتيرة أوي غير كدة عندك مثلا : ابار البترول مبعهاش, و كمان

مشتراش كلام أصحابة عشان يشكروا فيه و يمجدوه ,. عواد مبعش حجات كتير

إحنا ظلمنا عواد و إفترينا عليه مع إنه مبعش غير أرضة

عرفتوا بقي إحنا بنظلم الناس إزاي من غير منتأكد كويس لية و عشان إية بنظلمهم

يلا كلنا نوعد بعض إننا منظلمش عواد لأن في ناس غيره باعوا حاجات أغلي من الي باعها عواد

سامحنا يا عواد إحنا ظلمناك كتير